Almatyda 15 myńǵa jýyq patsıent qaterli isikten emdelgen
ALMATY. QazAqparat - Almaty qalalyq onkologııa ortalyǵy Qazaqstandaǵy onkologııalyq dıspanserler arasyndaǵy eń úzdigi boldy, dep habarlaıdy QazAqparat.
Bul týraly 2020 jyldyń qorytyndysy boıynsha Qazaqstannyń barlyq aýmaqtaryndaǵy onkoqyzmetterdiń arasyndaǵy onkologııalyq aýrýlar jónindegi úılestirý keńesinde aıtyldy.
Almaty qalalyq onkologııa ortalyǵy Densaýlyq saqtaý mınıstrligi bekitken onkologııalyq aýrýmen kúres jónindegi keshendi jospar jol kartasyn júzege asyrýda barlyq ındıkatorlarǵa qol jetkizdi.
Patsıentterge jatyr moınyna skrınıng júrgizý kezinde anyqtalatyn qaterli isik aldy, kolorektaldy qaterli isiginiń sany kóbeıýde, bastapqy satydaǵy qaterli isikterdiń týyndaý sany da ósken.
Kózge kórinetin qaterli isiktiń asqynýy azaıyp, 5 jylǵa deıin tirshilik etý qabileti ulǵaıa tústi.
Ótken jyly tirshilik etý qabiletiniń úles salmaǵy 53,5% mólsherin qurady.
Pandemııaǵa qaramastan Almaty qalalyq onkologııalyq ortalyǵynyń jumysy esh kidirgen emes.
Buǵan patsıentterge túrli medıtsınalyq tekseristiń júrgizilgeni dálel bolmaq.
Osylaısha, ótken jyly 15 myńnan astam KT jáne MRT tegin tekserisi, óz retimen 900 molekýlıarlyq-genetıkalyq tegin tekseris, pozıtrondyq-emıssııalyq tomografııa júrgizildi.
Sondaı-aq, ótken jyly hali múldem nashar patsıentterge 4,5 márte mobıldik onkobrıgada kómek kórsetti.
Іs-sharada asa jıi kezdesetin onkoaýrýlar belgilendi.
Kóbine jyl qorytyndysy boıynsha aýrý qurylymy boıynsha 1-orynda - sút beziniń qaterli isigi (15,7%), 2-orynda - teriniń qaterli isigi (13%), úshinshi orynda – kolorektaldy qaterli isik.
Ótken 2020 jyly Almaty qalalyq onkologııalyq ortalyǵynda 2,5 myń operatsııanyń jasalǵany, onyń ishinde, 70% mólsheri – joǵary tehnologııada ótkizilgenin aıta ketken jón.
Barlyǵy 14 546 patsıent emdelip shyqqan.
