Almatyda 15 myńǵa jýyq adam qaterli isikke qarsy em aldy

ALMATY. QazAqparat - Bıylǵy jyldyń 9 aıynda Almaty onkologııalyq ortalyǵynda 14 615 naýqas emdeldi. Bul ótken jyldyń sáıkes kezeńimen salystyrǵanda 1359 naýqasqa kóp. Bul týraly óńirlik kommýnıkatsııalar qyzmetiniń brıfınginde Almaty onkologııalyq ortalyǵynyń dırektory Nursultan Іzbaǵambetov aıtty, dep habarlaıdy QazAqparat tilshisi.

Dárigerdiń aıtýynsha, hırýrgııalyq bólimderde 2000-ǵa jýyq operatsııa jasaldy, olardyń 50%-dan astamynda beıneendoskopııalyq tehnıka qoldanyldy.

«Bul patsıenttiń aýrýhanada bolý uzaqtyǵyn qysqartyp, operatsııadan keıingi kezeńdi jeńildetedi. Sondaı-aq, táýlik boıy jáne kúndizgi statsıonar jaǵdaıynda 12 061 naýqas hımııaterapııalyq em qabyldady. 24 myńnan astam KT jáne MRT sáýleli zertteýi júrgizildi. 793 onkonaýqasqa sáýleli terapııa emi júrgizildi»,- dedi Nursultan Іzbaǵambetov.

Ol sondaı-aq almatylyqtardyń sáýleli terapııa emin AQSh-ta jasalǵan joǵary energetıkalyq jelilik údetkish kómegimen alatynyn aıtty.

«Protsedýra aýyrtpaıdy. Sáýlelendirý seansynyń ózi nebári eki mınýtty alady, al qalǵan ýaqyt patsıentti ártúrli arnaıy qurylǵylardyń (fıksatorlar, maskalar) kómegimen emdeý ústeline jatqyzýǵa, sodan keıin em jasalatyn aımaqqa sáýleni baǵyttaýǵa jáne protsedýranyń sapaly júrgizilýin baqylaýǵa ketedi. Bizdiń bólimde kún saıyn 80-ge jýyq almatylyq em alady», - dedi dáriger.