Almatyda 15 myń oryndyq jańa sport saraıy salynady
ALMATY. 25 maýsym. QazAqparat - Almatyda jańadan ashylatyn sport saraıy Alataý aýdanynda salynady. Bul týraly qala ákimi Ahmetjan Esimov búgin buqaralyq aqparat quraldary ókilderin quttyqtaǵan kezde aıtty.
«Momyshuly dańǵylyn sozý jumystary júrgizilip jatyr. Sonda bos aımaq bar. Oǵan halyqqa qyzmet kórsetý ortalyǵy men kınokontsert zaly salynyp jatyr. Óıtkeni qaladaǵy mádenı nysandar shahardyń ortalyq bóliginde ornalasqan. Endi 2017 jylǵy qysqy ýnıversıadaǵa oraı 15 myń oryndyq sport saraıy, 2 syrǵanaý alańy salynbaq. Qazir sport saraıynyń orny anyqtalyp, tehnıkalyq ekonomıkalyq negizdemesi jasalyp jatyr», - deıdi A. Esimov. Qala ákiminiń aıtýynsha, onda sondaı-aq jańa stýdentter qalashyǵy da boı kótermek. Ýnıversıada oıyndarynan keıin ol jataqhana bolady. Óıtkeni qalada jataqhana jetispeıdi.
