Almatyda 15 mınýtta úı tonaǵan bir top ury izi sýymaı ustaldy
ALMATY. QazAqparat - Almatyda úıdi tonap 2,1 mln teńgeniń buıymyn qoldy etken urylar izi sýymaı jatyp ustaldy. Bul týraly qalalyq ІІD-niń baspasóz qyzmeti habarlady.
Kúdiktiler Dostyq shaǵyn aýdanyndaǵy úılerdiń birin tapa-tal túste tonap ketken.
«Olar oılaǵandaryn nebári 10-15 mınýtta iske asyrǵan. Baılaýly qabaǵan ıttiń kózine «aşy» ballon shashqan. Úıden altyn, uıaly telefon, planshet, tapansha, kollektsııalyq monetalardy alyp shyqqan, olardyń jalpy quny 2 mln 100 myń teńge turady», - dedi qalalyq ІІD krımınaldy polıtsııa basqarmasynyń basshysy Janbolat Zıadın.
Alaıda, ońaı oljany dittegender izi sýymaı jatyp ustaldy. «Arlan» arnaıy jasaǵynyń jasaǵy men tergeýshiler olardyń kóliginen joǵalǵan buıymdar men 2 pyshaq, birneshe burysh gazdy ballondy tapty.
Kúdiktilerdiń barlyǵy ShQO-nyń Tarbaǵataı aýdanynyń týmalary bolyp shyqty. Olardyń birine urlyq jasaǵany úshin Semeı ІІB izdestirý jarııalaǵan belgili boldy.
Qazir ustalǵandardyń ózge de qylmysqa qatystylyǵy tekserilip jatyr.
