Almatyda 15-qabatty úıdiń balkony órtendi
ALMATY. QazAqparat - Almatyda 15-qabatty turǵyn úıdiń balkonynan órt shyqty, dep habarlaıdy QazAqparat tilshisi.
Órt turǵyn úıdiń 8-qabatynan tutanǵan. Qaýipsizdik maqsatynda turǵyn úıden 50-ge jýyq adam qaýipsiz jerge shyǵaryldy.
«Şepkın kóshesinde ornalasqan úıdiń balkonynan órt shyqqandaǵy týraly aqparat saǵat 23:20-da kelip tústi. Oqıǵa ornyna órt sóndirýshiler 7 mınýtta jetti. Órt saǵat 23:43-da tolyq aýyzdyqtaldy. Ottyń shyǵý sebepteri anyqtalýda», - dedi Almaty qalasynyń TJD resmı ókili Sandýǵash Baımuhambetova.
