Almatyda 15-49 jastaǵy adamdar arasynda AITV–nyń taralý deńgeıi 0,44% quraıdy

ALMATY. QazAqparat - Almatyda 21 qarasha – 1 jeltoqsan aralyǵynda «Teńdik ýaqyty» atty on kúndik ótýde. Onyń maqsaty - halyqtyń, ásirese jastardyń AITV-ny juqtyrýdyń aldyn alý, indetti juqtyryp almaý máselesi boıynsha aqparattyq deńgeıin kóterý. Bul týraly Óńirlik kommýnıkatsııalar qyzmeti alańynda Almaty qalasy JITS-tyń aldyn alý jáne oǵan qarsy kúres ortalyǵynyń profılaktıkalyq jumys bóliminiń meńgerýshisi Almıra Zaýrbekova aıtty, dep habarlaıdy QazAqparat tilshisi.

«Teńdik ýaqyty» onkúndigi ıÝNEIDS uıymynyń bastamasy boıynsha ótýde.

«Alǵashqy jaǵdaıy tirkelgenine qyryq jyldan astam ýaqyt ótse de, AITV –juqpasy áli kúnge deıin úlken qaterdiń biri. «Teńdik ýaqyty» urany — naqty is áreketke shaqyrý. ıAǵnı, ol bárimizdi JITS-ti joıýǵa qajetti tekseristen ótken tájirıbelik sharalardy iske asyrýǵa shaqyrady. Onyń ishinde: AITV-ınfektsııasyn emdeý, testileý jáne aldyn alý úshin qyzmetterdiń qoljetimdiligi men sapasyn arttyrý, osylaısha árbir muqtaj adamǵa qajettiniń bárimen qamtamasyz etilýi tıis», - dedi A.Zaýrbekova.
Spıkerdiń aıtýynsha, onkúndik aıasynda Almaty qalalyq JITS ortalyǵynyń medıtsına qyzmetkereleri qaýymdastyqtar men qoǵamdyq úkimettik emes uıymdarmen birlese otyryp, halyqtyń AITV –juqpasy týraly aqparattyq deńgeıin arttyrýǵa baǵyttalǵan túrli sharalardy uıymdastyryp, ótkizedi.
Ol sondaı-aq Almatyda 15-49 jas aralyǵynda AITV – ınfektsııasynyń taralý deńgeıi 0,44 %, boljam boıynsha 0,57% quraıtynyn málimdedi.
«Almatyda jyl saıyn halyqtyń 16-17%-y AITV-ǵa testileýden ótedi, ol shamamen 350 myń zertteý. Normatıvtik quqyqtyq qujattar negizinde Qazaqstanda qupııa medıtsınalyq tekserilýdiń sapaly ári qoljetimdiligi kepildendiriledi. AITV - statýsyn arnaıy test tapsyrý arqyly ǵana bilýge bolady. Ár adam turǵylyqty jeri boıynsha emhanada nemese JITS ortalyǵynda AITV-ǵa testten tegin óte alady»,- dedi Almıra Zaýrbekova.