Almatyda 147 zańsyz qarý saqtaý faktisi anyqtaldy
Almaty qalalyq Polıtsııa departamenti málim etkendeı, megapolıste respýblıkalyq «Qarý» jedel-aldyn alý sharasy ótip jatyr.
«Zańsyz saqtalǵan qarýdy anyqtaý úshin 38 top quryldy. Jedel-aldyn alý sharasy barysynda barlyǵy 147 azamattyq jáne qyzmettik qarýdy saqtaý, esepke alý jáne qaıta tirkeý sharttaryn buzý derekteri anyqtalyp, nátıjesinde 145 jeke menshik ıesi jáne 2 zańdy tulǵa QR ÁQBtK-niń 484-baby jáne QR ÁQBtK-niń 486-baby boıynsha ákimshilik jaýapqa tartyldy. Anyqtalǵan zań buzýshylyqtar joıylǵanǵa deıin 89 birlik tirkelgen qarý tárkilendi», - dedi Almaty qalalyq PD ákimshilik polıtsııa basqarmasynyń bastyǵy Ashat Qulbaev.
Budan bólek, zańsyz aınalymnan 8 tirkelmegen qarý, 1 birlik jarylǵysh zat, 549 myltyq, 6 tegis uńǵyly qarý, 10 travmatıkalyq qarýdyń patrony, 5 dana sýyq qarý, 2 jaryqty-shýly granata tárkilendi.
«QR Qylmystyq kodeksiniń 287-babyna sáıkes tirkelmegen tegis uńǵyly, gaz-travmatıkalyq jáne gazdy qarýdy zańsyz saqtaý boıynsha barlyǵy 11 qylmystyq is tirkeldi», - dedi spıker.
Sondaı-aq polıtsııa ókili pnevmatıkalyq qarýlar men elektroshokerlerdi satatyn jerler de tekserilgenin málimdedi.
«Bazarlardaǵy saýda oryndaryn tekserdik. «ıAlıan» bazarynda pnevmatıkalyq myltyq pen elektroshokerlerdi satatyn jeke kásipkerler anyqtaldy.Olar tárkilenip, saraptamaǵa jiberildi, nátıjesinde sharalar qabyldanyp, quqyqtyq baǵa beriletin bolady», - dedi Rahım Tolokýlov.