Almatyda 147 mlrd teńgege jalǵan shot-faktýralar jazylǵan - prokýratýra

ALMATY. QazAqparat – Ótken jyly Almatyda aqshany zańsyz qolma-qol aqshaǵa aınaldyrýmen baılanysty 82 quqyq buzýshylyq anyqtaldy, dep habarlaıdy QazAqparat tilshisi.

Onyń ishinde 3 uıymdasqan qylmystyq top áreket etkeni anyqtaldy.

«Qolma-qol aqshaǵa 147 mlrd teńgeden astam somaǵa jalǵan shot-faktýralar jazyldy. Bıýdjetke tólenbegen salyq 29 mlrd teńgeden asty. Sotqa 65 is joldanyp, 11 tulǵa jazalandy. Salyq organdary sottarǵa qolma-qol aqsha kompanııalary men olardyń kontragentteri arasyndaǵy mámilelerdi jaramsyz dep taný týraly 165 talap aryz engizdi. Olardyń 62-si boıynsha 11 mlrd teńgege qanaǵattanarlyq sheshimder shyǵaryldy», - dedi qalalyq prokýratýradan.