Almatyda 142 qandasymyz azamattyq aldy
Almaty qalasy kóshi-qon qyzmetiniń málimetteri boıynsha, 2020 jyly 731 qandas Qazaqstan Respýblıkasynyń azamattyǵyn aldy. Bıylǵy jyldyń eki aıynda 142 adamǵa azamattyq berildi.
«Bul negizinen Qytaı men Ózbekstannan kelgender. Bul jerde azamattyq alýdyń ońaılatylǵan túri respýblıkada aǵymdaǵy jyldyń 1 qańtarynan bastap jumys istep kele jatqanyn atap ótý mańyzdy.Endi qandas bir ýaqytta qujattardy jáne sáıkesinshe turýǵa yqtııarhat alý úshin de, Qazaqstan Respýblıkasynyń azamattyǵyn alýǵa da ótinishti bere alady. Ortasha alǵanda, qarastyrý merzimi shamamen úsh aıǵa sozylady, – dedi Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.
Bul múmkindikti Qytaıdan kelgen 21 jastaǵy Ersin Aqıqat pen 30 jastaǵy Araı Sydyq paıdalandy.
«Biz óz Otanymyzǵa oraldyq. Maǵan jeke kýálikti ulttyq merekemiz Naýryz meıramy qarsańynda tapsyrǵany kóńilge qonymdy. Men muny joǵarydan berilgen belgi dep sanaımyn»,- dedi Araı Sydyq.
«Kóshi-qon qyzmeti qyzmetkerlerine túsinistik pen qoldaý kórsetkeni úshin alǵys aıtamyn. Búgin men azamattyq aldym óte qýanyshtymyn», – dedi óz kezeginde Ersin Aqıqat.
