Almatyda 140 kópbalaly ana «Altyn alqa» jáne «Kúmis alqa» medaldarymen marapattaldy
ALMATY. Mamyrdyń 24-i. QazAqparat /Názıra Eleýhan/ - Almaty qalasynyń Áýezov aýdanynda Elbasynyń Jarlyǵymen kópbalaly 86 ana «Altyn alqamen», 54 ana «Kúmis alqa» medaldarymen marapattaldy,
dep habarlaıdy QazAqparat.
Saltanatty sharada Áýezov aýdany ákiminiń orynbasary Saıran Saıfedenov barlyq analarǵa marapattaryn tabys etip, zor densaýlyq pen baqyt, uzaq ǵumyr tiledi.
Marapattaý rásiminde altyn alqa ıegeri, 9 balany tárbıelep ósirgen 90 jastaǵy Zýre Aıtymbetova memleketke jáne aýdan basshylyǵyna kórsetken iltıpattaryna alǵysyn bildirip, qyzmetterine tabys tildi. «Elbasyna, Úkimetke memleketimizdiń damýy men gúldenýine jáne Qazaqstan demografııasynyń ósýine barynsha jaǵdaı jasap jatqandary úshin alǵysymdy bildiremin», dedi ardaqty ana.
