Almatyda 14 myńnan astam kópbalaly ana turady
Mundaı málimetter Almaty qalasy máslıhatynyń saıtynda az qamtylǵan otbasylarǵa qoldaý kórsetýdiń «ISKERANA» aımaqtyq baǵdarlamasyn bekitý týraly sheshiminde keltirilgen.
Almatyda 14 612 kópbalaly ana turady, olardyń 4 533-i «Altyn alqa» jáne «Kúmis alqa» ıegeri.
Memlekettik qoldaý sharasy boıynsha 3 283 otbasy 159 myń teńge (tórtinshi, besinshi jáne odan da kóp bala úshin) alady. Bala kútimi boıynsha aı saıynǵy járdemaqyny (14 myńnan 22 myń teńgege deıin) - 8 495 otbasy alyp otyr. 6 569 otbasyǵa múgedek balany tárbıelep otyrǵany úshin aı saıynǵy járdemaqy (31 myń teńgeden astam) beriledi. Asyraýshysynan aırylǵandar boıynsha aı saıynǵy járdemaqy (bir balaǵa 25 myń teńgeden joǵary; eki adamǵa 44 myń teńgeden; úsh adamǵa 55 myń teńgeden; 58 myń teńgeden tórt adamǵa; bes 60 myń teńgeden; alty jáne odan da kóp adamǵa - shamamen 63 myń teńge) - 14 579 adamǵa beriledi.
Sonymen birge, múmkindigi shekteýli adamdar, az qamtamasyz etilgen azamattar men kópbalaly otbasylardy qosa alǵanda, áleýmettik jaǵynan osal 25 myńǵa jýyq azamat qosymsha áleýmettik qoldaýdyń 13 túrin alady.
Sondaı-aq, qalada 2017 jyly – 2 112 otbasy, 2018 jyly – 2 222 otbasy, 2019 jyly - 1 607 otbasy baspanamen qamtamasyz etilgen.
2017 jyly - 72 otbasy, 2018 jyly - 569 otbasy, 2019 jyly - 7 984 otbasy ataýly áleýmettik kómekti aldy.