Almatyda 14 myńǵa jýyq shetel azamaty jeke sáıkestendirý nómirin aldy
«Azamattarǵa arnalǵan úkimet» memlekettik korporatsııasy Almaty qalasy fılıalynan berilgen málimet boıynsha, QR Іshki ister mınıstrliginiń 2023 jylǵy 8 aqpandaǵy buıryǵymen «Qazaqstan Respýblıkasynda ýaqytsha bolatyn sheteldikterge jeke sáıkestendirý nómirin qalyptastyrý jáne túzetý» qaǵıdalaryna ózgerister engen. Memlekettik qyzmetti aýmaqtyq polıtsııa organdary «Azamattarǵa arnalǵan úkimet» memlekettik korporatsııasy nemese «elektrondy úkimet» veb-portaly arqyly kórsetedi.
Atap aıtqanda, JSN alý úshin sheteldik nemese onyń zańdy ókili kelgen jeri boıynsha memlekettik korporatsııa nemese veb-portal arqyly ótinishpen kóshi-qon polıtsııasyna júginýge jáne oǵan qujattardy qosa berýge tıis. Sonymen qatar, endi sheteldikter JSN-in túzetý úshin júgine alady. Munda da joǵaryda aıtylǵan tártippen, qujattardy qosa usyna otyryp, turǵylyqty jeri boıynsha ótinish beredi. ІІM operatory ótinimderdiń durystyǵyn tekseredi, munan soń JSN qalyptastyrý ne túzetý rásimin júzege asyrady. Memlekettik qyzmet jeke tulǵalarǵa tegin kórsetiledi.
«JSN-di kásipkerlik qyzmetti jáne qarjylyq operatsııalaryn júrgizý úshin kez kelgen shet memlekettiń azamaty ala alady. Sheteldikterdiń JSN alýyna engizilgen ózgerister qatarynda JSN-di túzetý qyzmeti bar. Endi sheteldikter JSN-di túzetý úshin de HQO-ǵa júgine alady. Sonymen qatar, sheteldiktiń jeke basyn kýálandyratyn qujatta kırıllıtsada nemese latyn álipbıinde anyqtama derekteriniń (tegi, aty, ákesiniń aty, týǵan jeri) jazylýy bolmasa, qujattyń tıisti notarıaldy kýálandyrylǵan aýdarmasyn qosa berý qajet etiledi. Almaty HQO-lary 2022 jyly sheteldikterden JSN qalyptastyrýǵa 129 945 ótinish qabyldady. Onyń 118 582-i berildi. 2023 jyldyń qańtar aıynda 22 658 ótinim qabyldanyp, 13 974 sheteldikke JSN berildi», - dedi Azamattarǵa arnalǵan úkimet» memlekettik korporatsııasy Almaty qalasy fılıalynyń PR menedjeri Jańyl Ápetova.
Aıta keteıik, sheteldikterge JSN berý jónindegi ózgerister týraly buıryq 25 aqpannan bastap qoldanysqa enedi.
Eske salsaq, ótken jyly jeke sáıkestendirý nómirin (JSN) alý úshin 320 myń sheteldik azamattan ótinim túsken. Sondaı-aq, 70 myńǵa jýyq reseılik JSN alǵan.
