Almatyda 14 qabatty úıdiń shatyry órtendi
ALMATY. QazAqparat - Almatyda 14 qabatty úıdiń shatyry órtendi, dep habarlaıdy QazAqparat tilshisi.
Qalalyq TJD baspasóz hatshysy Sandýǵash Baımuhambetovanyń aıtýynsha, 12:56-te órt týraly habarlama kelip túsken.
Kezekshi pýltine Áýezov aýdany Naýaı kóshesi, 68 mekenjaıyndaǵy 14 qabatty ǵımarattyń shatyrynan tútin shyǵyp jatqany týraly habarlama kelgen. Órt sóndirýshiler oqıǵa ornyna 5 mınýtta jetti.
Olar barǵanda jeldetý júıesiniń jylytý materıaldary otqa orana bastaǵan.
Órt kúndizgi 13:11-de aýyzdyqtaldy. Tilsiz jaý 15 sharshy metr aýmaqty sharpyǵan.
Órtengen úıden 73 adam, onyń ishinde 7 bala qaýipsiz jerge kóshirildi.
