Almatyda 139 myń aǵash otyrǵyzylady
ALMATY. QazAqparat – Almatyda bıyl 139 myń aǵash otyrǵyzý josparlanyp otyr. Bul týraly qalalyq Jasyl ekonomıka basqarmasynyń bólim jetekshisi Oljas Janyspaev málimdedi, dep habarlaıdy QazAqparat tilshisi.
«Orman otyrǵyz» sharasy 5 qazanda bastalǵan.
«Bul aktsııa aıasynda Jasyl ekonomıka basqarmasy men Іle-Alataýy Ulttyq parki birige otyryp, Mohnatka taýynda 50 myń kóshet otyrǵyzdy. Sonymen qatar, Kók tóbe taýynda 30-40 myń «Sıvers» almasynyń kósheti, «Atakent» iskerlik ortalyǵy men «Atletıkalyq aýyl» mańaıynda 5 myń aǵash otyrǵyzylady. Qaladaǵy 110 mekteptiń mańaıynda emen, úıeńki, qaraǵash, qaıyńnyń 4 myń kósheti otyrǵyzylady. «Saıaly», «Zerdeli» shaǵyn aýdandarynda 3000 aǵash otyrǵyzylady. Osylaısha jalpy alǵanda Almaty aýmaǵynda 139 myń aǵash otyrǵyzý kózdelgen», - dedi Oljas Janyspaev.
Spıkerdiń aıtýynsha, qaladaǵy aǵash sany 10 jyl ishinde birshama ósken.
«2010 jyly jalpy qoldanystaǵy terrıtorııalarda 1,5 mln aǵash bar bolsa, 2018 jyly júrgizilgen ınventarızatsııa boıynsha 2 mln 135 myń aǵash sanaldy», - dedi Oljas Janyspaev.
