Almatyda 135 mlrd teńgege jalǵan shot-faktýra jazǵan kontragentter sottaldy
Top músheleri 2018-2020 jyldar aralyǵynda óz baqylaýyndaǵy 25 kompanııa arqyly 135 mlrd teńgege jýyq somaǵa jalǵan shot-faktýra jazǵan.
Osylaısha kontragent-satyp alýshylar bıýdjetke tólenbegen salyq túrinde memleketke 39 mlrd teńgege jýyq shyǵyn keltirgen.
Sondaı-aq, tergeý barysynda kontragent-satyp alýshylardyń baqylaýdaǵy kompanııalardyń bank shotyna túsken qarajaty shetel kompanııalarymen jalǵan shart jasasý arqyly respýblıkadan tys jerlerge shyǵarylǵany, onda shetel valıýtasyndaǵy qaıtarylmaǵan qarajattyń somasy 6,6 mln AQSh dollaryn quraǵany anyqtaldy.
Sot úkimimen bes aıyptalýshynyń bári kináli dep tanylyp, olarǵa 5 jyldan 7 jylǵa deıin bas bostandyǵynan aıyrý jazasy taǵaıyndaldy.
Tárkilengen 65 myń AQSh dollary men 20 mln teńgeden astam qarjy memleket kirisine alyndy.