Almatyda 1300-den astam kópqabatty úı jóndeýden ótti
ALMATY. QazAqparat - Almatyda sońǵy 9 jylda memlekettik baǵdarlama boıynsha 1 305 úı jóndeldi. Bul týraly onlaın brıfıng barysynda qalalyq Turǵyn úı saıasaty basqarmasy basshysynyń orynbasary Meıirjan Otynshıev málim etti, dep habarlaıdy QazAqparat tilshisi.
Onyń aıtýynsha, qalada úılerdiń jaǵdaıyna erekshe kóńil bólinedi.
«Turǵyn úı qoryn jańǵyrtýǵa qatysty Basqarmada 2020-2025 jyldarǵa arnalǵan «Nurly Jer» memlekettik turǵyn úı-kommýnaldyq damý baǵdarlamasyn iske asyrý kezinde 2011-2020 jyldar aralyǵynda 1 305 úı jóndeýmen qamtyldy»,– dedi Meıirjan Otynshıev.
Sonymen qatar, ol 138 kópqabatty úıde 300 lıft aýystyryǵanyn atap ótti. Sondaı-aq, 62 úı boıynsha kúrdeli jóndeýge sharttar jasaldy, onyń ishinde 20 úı boıynsha jóndeý jumystary júrgizilýde, 42 úı boıynsha jumys aıaqtaldy.
