Almatyda 130 mln teńge para almaq bolǵan kompanııa basshysy sottaldy
Almaty qalalyq sotynyń málimetinshe, ótken jyly qyrkúıek aıynda I. esimdi azamat memleket 100% qatysatyn Jolaýshylar tasymaly salasyndaǵy «A» JShS-nyń Bas dırektory laýazymyna taǵaıyndalyp, «G» jáne «K» JShS-niń 130 000 000 teńge somasyndaǵy aqshalaı qarajatyn urlamaq bolǵan. ⠀
2020-2022 jyldar aralyǵynda «A» jáne «G», «K» JShS arasynda qoldaǵy jyljymaly birlikter úshin qosalqy bólshekter men shyǵys materıaldaryn jetkizý boıynsha kelisimsharttar jasalǵan. Kórsetilgen kezeńde «G» jáne «K» JShS-lary «A» JShS-nyń mekenjaıyna 5 128 132 504 teńge somasyndaǵy qosalqy bólshekter men materıaldaryn jetkizedi. Alaıda JShS talaptardy basym qanaǵattandyrý boıynsha qoldanystaǵy kredıtorlyq bereshegine baılanysty jetkizýshi «K» jáne «G» JShS-lar aldyndaǵy mindettemeler ishinara oryndalmaı qaldy.
Aqshalaı qarajattyń ýaqytyly tólenbeýine baılanysty «A» JShS beresheginiń jalpy somasy 2022 jylǵy qyrkúıekte 2 457 555 809 teńge boldy. Budan keıin «A» JShS atyna Seriktestiktiń shottaryna ınkassolyq ókimder qoıylyp, 1 320 669 508 teńge somasyna teń boryshtyq mindettemeler boıynsha atqarýshylyq jazbalar jasaldy.
2022 jylǵy qyrkúıekte I. «A» JShS Bas dırektory mindetterin oryndaýǵa kirisip, «G» jáne «K» JShS ókilderin kezdesýge shaqyrady. ⠀ Áńgime barysynda jetkizýshilerdiń ókilderi I.-ǵa notarıýstyń atqarýshylyq jazbalary negizinde qoıylǵan shekteýlerden basqa, «A» JShS-nyń olardyń aldynda 1 136 886 301 teńge somasyna qosymsha mindettemeleri bar ekenin, olardy burynǵy basshylyq negizsiz moıyndamaǵanyn habarlaıdy.
Osydan keıin I. kórsetilgen mindettemelerdiń bar ekeni týraly habardar bolmaı, JShS ókilderiniń múlkin urlaýǵa baǵyttalǵan qylmystyq nıetin bildirgen. Atap aıtqanda, sońǵysynan qosymsha mindettemelerdi tóleý kepildigimen 130 000 000 teńge somasynda qarajat suraıdy. Keıinnen óz is-áreketteriniń nátıjesinde I.-dyń senimdi tulǵasyn Almaty qalasy boıynsha Sybaılas jemqorlyqqa qarsy qyzmet qyzmetkerleri ustady.
Osyǵan baılanysty I. 130 000 000 teńge somasyndaǵy qarajatty ala almaı qaldy. «Basty sot talqylaýy barysynda Almaty qalasynyń sotyna deıingi isti qaraý organdary memlekettik fýnktsııalardy oryndaýǵa ýákilettik berilgen tulǵanyń para alýǵa áreket jasaý faktisi boıynsha qylmystyq quqyq buzýshylyqty (QK-niń 24 baby, 3 bóligi , 366 baby, 4 bóligi) asa iri mólsherde alaıaqtyqqa áreket jasaý faktisi boıynsha qylmystyq quqyq buzýshylyqqa qaıta aýystyryldy (QK-niń 24 baby, 3 bóligi,190 baby, 4 bóligi, 2 tarmaq).
Sotta prokýror I.-ǵa 5 jyl 2 aı merzimge bas bostandyǵynan aıyrý jazasyn taǵaıyndaýdy surady. Jábirlenýshiler prokýrordyń pikirin qoldady. ⠀Óz kezeginde sottalýshy I. kinásin tolyq moıyndap, sottan jazany QK-niń 63 baby boıynsha shartty túrde qoldaný arqyly taǵaıyndaýdy surady.
Sot jaza taǵaıyndaý kezinde jeńildetetin mán-jaılardy, sottalýshynyń jas balalarynyń bolýyn eskerdi. Sotqa deıingi tergeý organdarymen qylmystyq jaýapkershilikti aýyrlatatyn mán-jaılar taǵylmaǵan.
Sot úkimimen I. iri mólsherde alaıaqtyqqa oqtalǵany úshin kináli dep tanyldy jáne QK-niń 56 baby jáne 55 baby, 2 bóliginde kózdelgen jazany taǵaıyndaý qaǵıdalary eskerile otyryp, 5 jylǵa bas bostandyǵynan aıyryldy.
Ol jazasyn qaýipsizdigi ortasha qylmystyq-atqarý júıesiniń mekemelerinde óteıtin bolady. Sondaı-aq ómir boıyna memlekettik qyzmette laýazymdardy atqarýǵa tyıym salynady», - dep habarlady qalalyq sottyń baspasóz qyzmeti.
Úkim zańdy kúshine engen joq.
