Almatyda 13 jyl boıy halyqaralyq izdeýde júrgen qaraqshy ustaldy

ALMATY. QazAqparat – Almatylyq polıtseıler reseılik áriptesterine 13 jyl boıy izdeýde júrgen qaraqshyny ustaýǵa kómektesti, dep habarlaıdy QazAqparat, Polisia.kz-ke silteme jasap.

2008 jyly kámeletke tolmaǵan 1990 jylǵy M. esimdi azamat pen onyń dosy P. Reseıdiń Saratov oblysyndaǵy Engels qalasynda bir áıelge qaraqshylyq shabýyl jasap, onyń aqshasyn tonaǵan.

«Saratov oblysy Engels mýnıtsıpaldy aýdany ІІB-nyń tergeý basqarmasy Reseı Federatsııasynyń Qlymystyq kodeksiniń 162-baby 2-tarmaǵy «Qaraqshylyq shabýyl» boıynsha qylmystyq is qozǵaǵan. Qaraqshylardyń bireýi dereý ustalyp, 4,5 jylǵa sottalǵan. M. esimdi azamat qashyp ketken. 2008 jyldyń shildesinde qaraqshy memleketaralyq jáne halyqaralyq izdeýge jarııalandy», - dep málimdedi Almaty qalasy PD qylmystyq basqarmasynyń bastyǵy Erkin Іńkárov.

13 jyl óte Almaty qalasynyń polıtsııa qyzmetkerleri jedel-izdestirý sharalaryn júrgizý barysynda qashqyndy ustady. Kúdikti qazir qamaýǵa alynyp, ýaqytsha ustaý ızolıatoryna ornalastyrylǵan. Qylmyskerdi ekstradatsııalaý máselesi Mınsk konventsııasyna saı sheshiledi.