Almatyda 13 jastaǵy oqýshy qyz tabylmaı jatyr
ALMATY. QazAqparat - Almatylyq ıÝlııa Melnık 13 jastaǵy qyzyn joǵaltyp alǵanyn Feısbýk áleýmettik jelisindegi paraqshasynda jarııalady, dep habarlaıdy QazAqparat tilshisi.
7 synyp oqýshysy Ekaterına Melnık keshe, 14 naýryz kúni túste sabaqqa ketip oralmaǵan.
«Ol tipti sabaqqa da barmaǵan. Túste onyń synyp jetekshisi telefon soǵyp, qyzymnyń sabaqqa kelmeginin aıtty. Sońǵy ret qyzymdy Sátpaev-Gagarın kósheleriniń qıylysynda, mekteptiń janynda synyptasy kórgen. Ol úıden ádeıi qashyp ketti dep oılamaımyn, ol kúni biz renjisken joqpyz. Eń qymbattymdy tabýǵa járdemdesińizdershi», - dep jazdy ıÝlııa Melnık.
Ekaterına Melnıkti izdeýge Almaty polıtsııasy men eriktiler toby kirisip ketti.
«Qyzdy izdeýge krımınaldy polıtsııanyń barlyq qyzmetkeri jumyldyryldy. Ata-anasynyń aıtýynsha, oqýshy buǵan deıin de birneshe saǵatqa úıden ketip qalyp, qaıtyp oralǵan. Ony tabýǵa bar kúshimizdi salyp jatyrmyz», - dedi Almaty qalalyq ІІD baspasóz hatshysy Saltanat Ázirbek.
Joǵalǵan kúni Ekaterına Melnıktiń ústinde etegi tizege deıin túsetin kúrte, qara bas kıim, qara-kók tústi shalbar, aq kóılek, ashyq kók tústi etik bolǵan. Onyń boıy 165 sm, kózi men shashynyń túsi qara. Almaty polıtsııasy kórgen-bilgender bolsa, habarlasýyn suraıdy.
