Almatyda 13 jasar jasóspirim týǵan ákesin izdestirýde - ІІD
ALMATY. QazAqparat- Almatyda 13 jasar jasóspirim týǵan ákesin izdestirýde. Bul týraly búgin Almaty q. ІІD baspasóz qyzmetinen habarlady.
Bostandyq aýdany ІІB ıývenaldy polıtsııasynyń ınspektorlary 13 jastaǵy Grıgorıı Salııdi K. Baıseıitova kóshesiniń boıynda oryndyqta uıyqtap jatqan jerinen taýyp alypty.
«Oıatyp, áńgimeleskenimizde ol óziniń aýyr taǵdyry jaıly aıtyp berdi. Ol Almatyǵa Qapshaǵaı qalasynan kelipti. Týǵan ákesin izdep júr eken. Ony kórmegeli 7 jyl bolǵan. Aıtýynsha, áke-sheshesi ajyrasyp ketken. Buǵan anasynyń ishimdikke salynyp ketýi sebep bolǵan kórinedi. Grıgorııdiń ózi de osy sebepten týǵan úıin tastap, Almatyǵa kelgen. Endi ol ákesimen birge bolǵysy keletindigin aıtyp otyr», - dedi óz sózinde Almaty q. ІІD ákimshilik polıtsııasy Basqarmasynyń ıývenaldy polıtsııa bóliminiń bastyǵy Leılá Álipbaeva.
Grıgorııdiń sózine qaraǵanda onyń Almatyǵa kelip, dalada túnep júrgenine birneshe kúnniń júzi bolypty. Mamasynyń oǵan áli izdeý jarııalamaǵanyna senimdi. «Anamnyń menimen isi joq», - deıdi ol. Ázirge kámeletke tolmaǵan jas bala óz betimen ákesin izdep taba almaǵan. Onyń ústine ákesi týraly jarytyp eshteńe bilmeıdi. Eger ákesi ózin ulynyń izdep júrgenin estıtin bolsa, Grıgorııdiń oǵan aıtar sózi daıyn: «Áke, men sizdi izdep júrmin! Kelińizshi ótinemin! Men kútemin»!
Bostandyq aýdanynyń polıtsııa qyzmetkerleri ázirge Grıgorııdi kámeletke tolmaǵan balalardy ońaltý ortalyǵyna ornalastyryp, ákesin izdestirýge kiristi. Degenmen, tártip saqshylary birinshi kezekte jurtshylyqqa úmit artýda. Eger Grıgorıı Salııdi tanıtyn nemese onyń ákesi jaıly biletin adamdar bolatyn bolsa, Almaty qalasyndaǵy Kámeletke tolmaǵan balalardy ońaltý ortalyǵyna habarlasýlaryn suraıdy.
