Almatyda 126 myń adam kommýnaldyq qyzmet úshin tólem alady
QR Indýstrııa jáne ınfraqurylymdyq damý mınıstrligi ázirlegen erejelerge sáıkes, halyqtyń áleýmettik osal toptary sanatyna qosylǵan 69 myń almatylyq bul kómekke qol jetkize aldy. Keıin Almatyda áleýmettik kómek alýshylar sany eki esege - 69 myńnan 126 myńǵa deıin ósti.
Atalmysh kómek túri I, II jáne III toptaǵy múgedekterge; UOS múgedekteri men qatysýshylaryna; UOS múgedekteri men qatysýshylaryna teńestirilgen tulǵalarǵa; múgedek balalardy tárbıelep otyrǵan otbasylarǵa; kópbalaly otbasylarǵa; eń tómengi zeınetaqy alatyn zeınetkerlerge; memlekettik jáne qoǵamdyq mindetterin, áskerı qyzmetin oryndaý kezinde, ǵaryshqa ushýdy daıyndaý nemese júzege asyrý kezinde, adam ómirin qutqarý kezinde, quqyq tártibin qorǵaý kezinde qaza tapqan adamdardyń otbasylaryna; AÁK alatyn azamattarǵa, onyń ishinde jalǵyz basty zeınetkerlerge beriledi.
Bastapqyda tólemdi aýdarý úshin kommýnaldyq qyzmet kórsetý sharty jáne ótinish berýshiniń atyna rásimdelgen kommýnaldyq kásiporyndaǵy abonenttik jeke shoty bolýy qajet bolǵan. Keıin turǵyndardyń kóptegen ótinishteri boıynsha, bir otbasy múshelerine de tólem jasaýǵa ruqsat berildi. Osylaısha, endi memlekettik qyzmetter úshin tólemderdi tek jeke shot ıelerine ǵana emes, sonymen birge QR zańnamasyna sáıkes «Otbasy» sanatyna jatatyn adamdarǵa da tóleýge ruqsat etiledi.
Bir aıda 30 myń ótinish maquldandy. Tólemder jeke shottarǵa túsedi, muny kommýnaldyq qyzmetterge keletin túbirtekten kórýge bolady. Tólemder elektr, sýyq jáne ystyq sý, káriz, qoqys jınaý jáne lıft sııaqty qyzmetterdi jabady. Búgingi tańda 430 mln teńge somasynda tólemder júrgizildi.
Ótinimderdi qabyldaý ,maýsymnyń aıaǵyna deıin jalǵasady.Tólem eki aıǵa – sáýir men mamyrǵa tólenedi. Joǵaryda atalǵan sanatqa jatatyn Almaty turǵyndary tolyq málimetti 341-05-27, 3-777-444 telefondary arqyly ala alady.
