Almatyda 123 myńǵa jýyq adam revaktsınatsııadan ótti

ALMATY. QazAqparat - Almaty qalasynda bir táýlikte 3116 adam koronavırýsqa qarsy vaktsına saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

«24 qańtar kúni 3116 almatylyq vaktsına saldyrdy. Vaktsına saldyrǵandar sany boıynsha Almaty qalasy aldyńǵy oryn qatarynda. Ótken jyldyń 1 aqpany men bıylǵy jyldyń 24 qańtar yaralyǵynda qalada 1 101 185 turǵyn vaktsınanyń birinshi komponentin, 1 046 923 adam ekinshi komponentin saldyrǵan. Onyń ishinde 123 979 adamnyń jasy 60-tan asqan» ,- dep habarlady basqarmadan.

Búgingi tańda Pfizer (Comirnaty) kompanııasynyń ekpesin 38 518 adam saldyrdy. Onyń ishinde 2060 júkti áıel, 8 359 bala emizetin ana jáne 28 099 jasóspirim bar.

Revaktsınatsııadan 122 960 almatylyq ótti.

«Búgingi tańda qalada medıtsınalyq uıymdarda 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.