Almatyda 12 jyldyq bilim berý júıesine kóshýdiń máseleleri jóninde semınar-keńes ótip jatyr
ALMATY. Aqpannyń 18-i. QazAqparat /Ádilet Musahaev/ - Almatyda «12 jyldyq bilim berýge kóshýge baılanysty balalarǵa arnalǵan qosymsha bilim berýdiń qazirgi júıesi men damý bolashaǵy» atty respýblıkalyq semınar-keńes ótip jatyr,
dep habarlaıdy QazAqparat.
Atalmysh shara qosymsha bilim berý uıymdarynyń qyzmetterinde kezdesetin ózekti máselelerdi talqylaý, balalardy qosymsha oqytý, tárbıeleý, shyǵarmashylyq múmkindikterin damytý barysyndaǵy mańyzyn anyqtaý, 12 jyldyq bilim berý júıesine kóshýge baılanysty qosymsha bilim berýdi damytý baǵyttarynyń jaı-kúıin taldaý jáne boljaý maqsatynda ótkizilýde.
«HHІ ǵasyrda Qazaqstannyń bilim berý júıesindegi jalpy jáne orta bilim berýmen qatar qosymsha bilim berý salasyna 12 jyldyq bilim berý júıesiniń engizilýi ýaqyt talaby ekenin kórsetip otyr. Qoǵamymyzdyń áleýmettik-ekonomıkalyq saıası qurylymynyń túpkilikti jańarýyna baılanysty birinshi mindet halyqtyq bilim júıesiniń tyń tujyrymdamasyn jasap, jańasha talap qoıý kerek ekenin túsinip qaldyq», deıdi Respýblıkalyq qosymsha bilim berý oqý-ádistemelik ortalyǵynyń dırektory Ábdiǵapar Jaqsybekov.
Sharaǵa Bilim jáne ǵylym mınıstrligi mektepke deıingi jáne orta bilim departamentiniń, Y.Altynsarın atyndaǵy Ulttyq bilim akademııasynyń, Bilim berý júıesiniń pedagog kadrlary biliktiligin arttyrý jáne qaıta daıarlaý respýblıkalyq ınstıtýtynyń ókilderi, joǵary oqý oryndarynyń ǵalymdary, qosymsha bilim berý uıymdarynyń basshylary qatysýda.
