Almatyda 12 skver abattandyryldy
ALMATY. QazAqparat – Almaty ákimi Baqytjan Saǵyntaev búgin qaladaǵy Jetisý aýdanyndaǵy abattandyrý jumysymen tanysty, dep habarlaıdy QazAqparat tilshisi.
«Jetisý aýdanynyń aýmaǵyn abattandyrý jumysymen tanystym. Qalanyń bul ónerkásiptik bóligine demalýǵa, ýaqytty tıimdi ótkizýge arnalǵan demalys oryny men qoǵamdyq keńistik burynnan qajet bolatyn. Bıyl munda aýqymdy jumys júrgizilip jatyr. Aýdannyń barlyq yqshamaýdandarynda 12 skver abattandyryldy. Onyń úsheýi daıyn, qalǵany qyrkúıek aıynda tapsyrylady», - dep jazdy Baqytjan Saǵyntaev Instagram -daǵy paraqshasynda.
Onyń aıtýynasha, alty saıabaqtaǵy, sonyń ishinde «Aınabulaq-1» men «Aınabulaq-2» yqshamaýdanyndaǵy jóndeý jumystary «Bıýdjetke qatysý» jobasy aıasynda júrgizilýde. ıAǵnı, demalys oryndarynyń qandaı bolatynyn turǵyndar ózderi belgilep berdi.
«Munda yńǵaıly oryndyqtar men joldar, balalar men sport alańdary bolady. Aıta keteıik, aýdanda bıyl 25 shaqyrym jol men trotýar jóndeledi. Bul ótken jyldarǵa qaraǵanda bes ese kóp. Aýdan, ásirese, onyń turǵyndary jańa ómirge aıaq basady», - dep jazdy ákim.
