Almatyda 12 páter urlyǵyna qatysy bar degen kúdikpen aǵaıyndy eki jigit ustaldy
ALMATY. QazAqparat - Almatyda aǵaıyndy eki jigit 12 páterge urlyqqa tústi degen kúdikpen ustaldy, dep habarlaıdy QazAqparat tilshisi.
«Kúdiktiler – 1979 jáne 1986 jyly týǵan aǵaıyndy azamattar, olar negizinen Áýezov jáne Bostandyq aýdandarynda kúndiz domofon arqyly páterge qońyraý shalyp, bos páterlerdi izdegen. Domofon qońyraýyna eshkim jaýap bermese olar kireberisterge, sodan keıin turǵyn úıdiń ishine kirip ketip júrgen. Al keshki ýaqytta olar shamdary óshirýli páterlerdi tańdaǵan. Qaskóıler tek aqsha, áıelderdiń qundyz tondaryn, altynnan jasalǵan buıymdardy, bas kıimder, noýtbýkter, sómkeler jáne basqa da kólemdi emes, biraq qundy turmystyq zattardy urlaýmen aınalysqan«, – dedi Almaty qalasynyń PD Krımınaldyq polıtsııa basqarmasynyń bastyǵy Erkin Іńkárov.
Tergeý barysynda ustalǵandardyń osyǵan uqsas 12 qylmysty jasaýǵa qatystylyǵy dáleldendi. Tergeý is-sharalary QR QK-niń 188-baby 3-bólimi (Urlyq) boıynsha ótkizilýde. Aıǵaq zattar tárkilendi. Kúdiktilerdiń Almaty qalasynyń aýmaǵynda jasalǵan basqa da qylmystarǵa qatysy tekserilýde.
