Almatyda №12 aýrýhana karantınge jabyldy
ALMATY. QazAqparat – Almatyda №12 ortalyq qalalyq klınıkalyq aýrýhana tolyqtaı karantınge jabyldy. Bul týraly Almaty qalasy Taýarlar men qyzmetterdiń sapasy men qaýipsizdigin baqylaý departamentiniń basshysy Aızat Moldaqasymova brıfıng barysynda málim etti, dep habarlaıdy QazAqparat tilshisi.
«Búgin 12-shi aýrýhana tolyǵymen karantınge alyndy. Olar endi naýqastardy qabyldamaıdy. Bárin bútindeı japty», – dedi Aızat Moldaqasymova.
Búgin, 13 sáýirde, Almatyda taǵy 27 medıtsına qyzmetkeri koronavırýsty juqtyrǵany belgili boldy. Olardyń 21– i áıel jáne 6 er adam, aralarynda bir júkti áıel bar. Medıtsına qyzmetkerleriniń ekeýiniń jaı-kúıi polısegmentti pnevmonııalaryna baılanysty – aýyr, qalǵan adamdardyń barlyǵynda – qanaǵattanarlyq dep baǵalanyp otyr.
