Almatyda 115 adamdy kene shaqqan
ALMATY. QazAqparat - Almatyda 2019 jyldyń basynan beri 115 adam kene shaqty degen shaǵymmen dárigerlerge júgingen. Bul týraly qalalyq Taýarlar men qyzmetterdiń qaýipsizdigi men sapasyn baqylaý departamentiniń basshysy Aızat Moldaqasymova aıtty, dep habarlaıdy QazAqparat tilshisi.
«Epıdemııalyq maýsym bastalǵaly beri qalanyń medıtsınalyq pýnktterine kene shaqqan 115 adam júgingen. Olardyń 61-i bala. Barlyq adamdar kenege qarsy ımmýnoglobýlın aldy. Búginde qalada kene entsefalıti dıagnozy áli tirkelmedi», - dedi baspasóz qyzmetinen.
Osyǵan baılanysty jaz-kóktem maýsymynda qaladaǵy aýmaǵy 589,246 ga bolatyn 121 skver men aýmaǵy 1764 ga bolatyn 8 ormanda kenege qarsy dezınsektsııalyq sharalar júrgiziledi.
Sáýir aıynan bastap jaýynsyz kúnderi «Almaty zararsyzdandyrý ortalyǵy» RMK «Shkval» ınsekto-akarıtsıdti preparatymen atalǵan terrıtorııalardy óńdeıtin bolady.
