Almatyda 112 adamnan koronavırýs ınfektsııasy anyqtaldy
QazAqparat. Almaty – Almatyda koronavırýs ınfektsııasynyń 112 jańa jaǵdaıy tirkeldi, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasy taratqan málimetke sáıkes, ótken táýlikte 112 adamnan koronavırýs anyqtaldy: sımptomdyq belgisi bar túri - 95, sımptomsyz túri -17 adamnan anyqtaldy. E mdelip shyqqandar - 106, kelip túskender - 64 adam.
«Barlyq ınfektsııalyq statsıonarlarda 1 730 tósek-oryn bar. Búginde 706 naýqas em qabyldap jatyr. Onyń 26-sy — bala. Reanımatsııa jáne qarqyndy terapııa bólimshesinde 71 adam emdelýde. Ókpeni jasandy jeldetý apparatyna 12 adam qosylǵan, ınvazıvti emes ÓJJ – 24 adam, High flow-da 27 apparat jumys isteıdi»,- dep habarlady Densaýlyq saqtaý basqarmasynan.
Telemedıtsına ortalyǵynyń baqylaýynda 923 naýqas bar. Onyń ishinde jeńil jáne ortasha aýyrlyq dárejesinde -727 adam, sımptomsyz 196 naýqas bar.
Israıl Alpamys
