Almatyda 11 myńnan astam mektep bitirýshi úlken ómirge qadam basty
ALMATY. QazAqparat- Almaty qalasynyń ákimi Baqytjan Saǵyntaev Facebook-tegi paraqshasynda almatylyq mektep túlekterin jáne muǵalimderdi quttyqtady, dep habarlaıdy QazAqparat tilshisi.
Búgin 11 337 mektep bitirýshi úshin qońyraý soǵylady. Jas túlektiń 642-si «Altyn belgige», 758-i úzdik attestatqa úmitker.
Bıylǵy oqý jyly pandemııaǵa baılanysty tolyǵymen onlaın formatta ótti. Oqýshylardyń 97%-y qashyqtan bilim aldy.
«Muǵalimder shydamdylyq tanytyp, ata-analar qoldaý bildirip, al balalar eńbekqorlyǵy men kúsh-jigerin kórsetkeni úshin alǵys aıtamyn», - dep jazdy ákim jáne úılesimdi jumystyń arqasynda balalar oqýda jaqsy nátıje kórsetkenin atap ótti.
Bıyl Almaty komandasy oqýshylar arasyndaǵy jalpy bilim beretin pánder boıynsha jyl saıynǵy respýblıkalyq olımpıada 18 ret jeńiske jetti.
«Qurmetti túlekter! Jańa ómir álemine nyq senimmen qadam basqaly tursyzdar. Ańsaǵan armandaryń oryndalyp, alǵa qoıǵan maqsattaryńa jetińder! Sizderge zor densaýlyq pen tabys tileımin! Aq jol!», - dep qorytyndylady qala ákimi.
