Almatyda 11 myńǵa jýyq adam vaktsına saldyrdy
ALMATY. QazAqparat - Almaty qalasy boıynsha sońǵy táýlikte 10 924 adam vaktsına saldyrdy, dep habarlaıdy QazAqparat tilshisi.
«14 sáýir kúni 10 924 almatylyq vaktsına saldyrdy. Búgingi kúni qalada 68 330 doza vaktsına qaldy», - dep habarlady qalalyq qoǵamdyq densaýlyq saqtaý basqarmasynyń baspasóz qyzmeti.
Bıylǵy jyldyń 1 aqpany men 15 sáýir aralyǵynda 108 069 adamǵa ekpe salyndy.
Almaty qalasynda vaktsınatsııa josparǵa sáıkes júrgizilýde jáne sáýirdiń 11-24 aralyǵynda 100 000-nan astam adamdy KVI-ge qarsy ımmýndaý josparlanǵan.
Búgingi kúni 203 pýnkt jumys istep jatyr. 1 809 adamnan turatyn 406 egý brıgadasy bar.
Sonymen qatar, Á. Qasteev atyndaǵy óner murajaıynda (Sátpaev k-si) vaktsınalaý pýnkti ashyldy. Jumys ýaqyty: 08:00-den 20:00-ge deıin.
