Almatyda 11 myń abonentke aýyz sý berip otyrǵan uńǵymalar talapqa saı emes
ALMATY. QazAqparat - QR Densaýlyq saqtaý mınıstrligi Qoǵamdyq densaýlyq saqtaý komıtetiniń Almaty qalasy boıynsha departamenti turǵyndarǵa aýyz sý berip otyrǵan jekemenshik uńǵymalardy tekserdi, dep habarlaıdy QazAqparat tilshisi.
Atap aıtqanda, Alataý, Naýryzbaı jáne Medeý aýdandarynda barlyǵy 11 myń 200 abonentke sý jetkizip otyrǵan 33 jeke uńǵymanyń sanıtarlyq talapqa saı bolýy tekserilgen. Bul uńǵymalardan 4 myń jeke úıge, 3 kottedj qalashyǵyna jáne bir turǵyn úı keshenine sý beriledi.
Júrgizilgen revızııa nátıjesinde, jeke uńǵymalar sanıtarlyq erejelerdiń talaptaryna sáıkes kelmeıtindigi anyqtaldy.
Uńǵymalardyń keıbirinde aınalasyndaǵy aýmaq qorshalmaǵan, abattandyrylmaǵan, birinshi sanıtarlyq qorǵaý aımaǵy (qatań rejım) qarastyrylmaǵan. Zararsyzdandyrýǵa arnalǵan qondyrǵylar ornatylmaǵan. ıAǵnı osy uńǵymalardan beriletin sýdyń sapasy men qaýipsizdigine óndiristik zerthanalyq baqylaý júrgizilmeıdi. Sondaı-aq uńǵymalardyń halyqtyń sanıtarlyq-epıdemıologııalyq salaýattylyǵy salasyndaǵy normatıvtik quqyqtyq aktilerge jáne gıgıenalyq normatıvterge sáıkes keletindigi týraly qorytyndylar joq.
Departament bul uńǵymalardyń qyzmetin ýaqytsha toqtatý úshin is materıaldaryn buǵan deıin de sotqa jibergen.
«2008 jyly - Áýezov aýdanynda, 2009, 2010, 2018 jyldary - Alataý aýdanynda, 2012 jyly Medeý aýdanynda ornalasqan birqatar nysannyń jumysyn ýaqytsha toqtatý týraly aryz túsirilgen bolatyn. Biraq sot sheshimi shyqqanyna qaramastan, sot oryndaýshylary úkimdi iske asyrýǵa asyqpaǵan. Bul týraly Sot oryndaýshylary departamentine de aıtylǵan, biraq jaǵdaı ózgergen joq», - delingen taratylǵan habarlamada.
Búginde 33 uńǵymanyń 9-y sanıtarlyq talaptarǵa sáıkes keltirildi. Uńǵymalar aýdandyq Qoǵamdyq densaýlyq saqtaý basqarmalarynyń baqylaýyna alyndy jáne jylyna bir ret tekserilip turady.
Almaty ákimdiginiń sheshimimen Áýezov aýdanyndaǵy Altyn besik shaǵyn aýdany qalalyq sýmen qamtý jáne sýdy aǵyzý júıelerine qosylatyn bolady.
Mıkrobıologııalyq kórsetkishter boıynsha sáıkes kelmeıtin sýdyń úles salmaǵy 0,2%, sanıtarlyq-hımııalyq kórsetkishter boıynsha sáıkessizdik joq.
Atap ótilgendeı, sýdy tutyný faktorlaryna baılanysty Almatyda juqpaly aýrýlar birneshe jyldan beri tirkelmegen.
Tutynýshylar jaǵymsyz ıis, dám, sý túsiniń buzylýyn anyqtaǵan jaǵdaıda, Almaty qalasynyń Qoǵamdyq densaýlyq saqtaý organdaryna júginýge quqyly.
