Almatyda 11 adamǵa baspana áperemin dep turǵyndardy aldaǵan alaıaq ustaldy
ALMATY. QazAqparat- Almaty qalasynyń Áýezov aýdandyq Іshki ister Basqarmasynyń polıtsııa qyzmetkerleri qazir serııalyq alaıaqtyq áreketti tekserip jatyr. Óıtkeni, qolǵa túsken áıel qalada memlekettik baǵdarlama boıynsha baspana alýǵa qatysty oryn alǵan birneshe alaıaqtyq áreketterge qatysy bar bolýy múmkin, - dep habarlaıdy búgin Almaty qalalyq ІІD baspasóz qyzmetinen.
«Qaraqojaeva V. esimdi azamatshanyń memlekettik baǵdarlama boıynsha baspana berýmen aınalysatyn memlekettik organdarǵa esh qatysy joq. Alaıda, solaı bola tura ol «memlekettik baǵdarlama boıynsha baspana alyp beremin», - dep, birqatar azamattardy ózine sendirgen. Ol turǵyndar bolsa, baspana alýǵa úmit artyp, alaıaq áıelge deldaldyq kómegi úshin 2 myń dollar jáne odan da kóp aqsha bergen. Qaraqojaeva V. adamdardy sendirý úshin olardyń baspana alýǵa múmkindikteri bar ekendigin rastaıtyn jalǵan qujattar (habarlamalar) kórsetken. Qazirgi ýaqytta bir ǵana bizdiń bólimshege 11 azamat Qaraqojaevanyń ústinen aryz berdi. Alaıda, jábirlenýshiler budan da kóp bolýy múmkin. Sondyqtan, osy áıeldiń alaqtyq áreketinen zardap shekkender bar bolsa, myna telefon nómirlerine habarlasýlaryn suraımyz: 298-53-01 ı 298-53-02. Qazir sotqa deıingi tergeý amaldary júrgizilip jatyr», - dedi Áýezov aýdandyq ІІB bastyǵynyń birinshi orynbasary, polıtsııa polkovnıgi Qumarbek Kenshinbaev.
