Almatyda 105 stýdent Sara Nazarbaeva taǵaıyndaǵan stıpendııanyń ıegeri atandy
Bıylǵy jyly olardyń qataryna Almaty qalasynyń joǵary oqý oryndarynyń, tehnıkalyq jáne kásiptik bilim berý mekemeleriniń 107-i 1 kýrs stýdentteri qosyldy. Jalpy, qalada osyndaı 294 stıpendıat bar, dep habarlaıdy QazAqparat.
«Men elimizdiń birinshi hanymy Sara Nazarbaev taǵaıyndaǵan stıpendııa ıegeri atanǵanyma qýanyshtymyn. Shyn júrekten bizge jasalyp jatqan qamqorlyqqa, qoldaýǵa alǵysymdy aıtqym keledi. Bul stıpendııa biz úshin úlken materıaldyq kómek. Men ol qarajatqa qajetti kitaptarymdy satyp alamyn. Jalpy, bul kómek bizge alǵa umtylýǵa, aldyǵa qoıǵan maqsattarǵa jetýge kómektesedi. Men Úkimet tarapynan barynsha jasalyp jatqan barlyq kómekterdi múmkindigime qoldanýǵa tyrysamyn. Meniń aldymdaǵy búgingi kúngi eń basty maqsat - sabaǵymdy jaqsy oqý, elimizdiń laıyqty azamaty bolý», deıdi QazUÝ-niń shyǵystaný fakýltetiniń 2-kýrs stýdenti Tursynaı Áýbákirova. Ol Taraz qalasyndaǵy balalar úıinde ósip, tárbıelengen.
Bıylǵy jyldyń qarasha aıynda stýdentterdiń jeke esep shottaryna 2 mıllıonnan astam teńge somadaǵy qarajat aýdarylǵan. Atalǵan kómekti stýdentter jyldyń aıaǵyna deıin alady.
Elimizdiń birinshi hanymy Sara Nazarbaeva 2003 jyldan beri áleýmettik mekemelerdiń tárbıelenýshi -stýdentterine toqsan saıyn aqshalaı qarajat bólip turady. 2008-2009 oqý jylynda Almaty qalasynyń joǵary oqý oryndarynda, tehnıkalyq jáne kásiptik bilim berý mekemelerinde oqıtyn balalar úıiniń 223 tárbıelenýshileri 9 mıllıon teńgeden astam qaıyrymdylyq kómek alǵan. Barlyǵy respýblıka boıynsha 16 aımaqtarda 4000-nan astam oqýshylar men stýdentter stıpendııa alady.