Almatyda 1000-nan asa áleýmettik jaǵdaıy tómen otbasylardyń balalaryna mektep formalary men mektepke qajetti jabdyqtar salynǵan sómkeler tabystaldy
MATY. 25 tamyz. QazAqparat /Názıra Eleýhan/ - Búgin Almatyda Qazaq memlekettik tsırkinde Áýezov aýdanynyń ákimi apparatynyń, «Nur Otan» HDP-nyń aýdandyq fılıaly men Áýezov aýdany ákiminiń janyndaǵy otbasy jáne áıelder isi boıynsha komıssııasynyń uıymdastyrýymen "Mektepke jol" aktsııasy aıasynda merekelik shara ótti.
Shara barysynda 1000-nan asa Áýezov aýdanynyń kópbalaly jáne az qamtylǵan otbasy balalaryna mektep formalary, mektepke qajetti jabdyqtar salynǵan sómkeler tabystaldy. Bunymen qatar, balalar nazaryna Qazaq memlekettik tsırki ártisteri ázirlegen merekelik kontserttik baǵdarlama usynyldy.
"Búkil elimizde ótip jatqandaı, bizdiń aýdanymyzda da tamyz aıynyń birinshi kúnderinen bastap dástúrli "Mektepke jol" aktsııasy bastaý aldy. Aktsııa aıasynda aýdan ákimdigi balalardy mektep naýqanyna daıyndaý úshin jan-jaqty kómek kórsetýde. Bul aktsııa 30 qyrkúıekke deıin ótedi. Onyń basty maqsaty - qalanyń balalaryn tolyqtaı bilim alýǵa qamtý bolyp tabylady", - dedi Áýezov aýdany ákiminiń orynbasary Saıran Saıfedenov shara barysynda.
Onyń aıtýynsha, Áýezov aýdany áleýmettik jaǵdaıy nashar, kópbalaly otbasy balalaryna, sonymen qatar, ata-anasynyń qamqorlyǵynsyz qalǵan balalarǵa árqashan erekshe kóńil bólip otyrady.
