Almatyda 100 ýchaske memleket qajettiligine alynady

ALMATY. QazAqparat - Almaty ákimdiginiń qaýlysymen bıyl 100 ýchaske menshik ıesinen májbúrlikpen alynady, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.

28 aqpandaǵy ákimdiktiń qaýlysynda 49 ýchaskeni tárkileý týraly jazylǵan. Naýryzbaı jáne Áýezov aýdanynda Abaı kóshesiniń Momyshuly kóshesinen qala shekarasyna deıingi jerler Abaı kóshesin ary qaraı sozý maqsatynda alynady.

Atap aıtqanda, Dostyq, Qalqaman-2, Qalqaman -3, Shuǵyla jáne Jaıly aýdandarynyń terrıtorııasy qaraýǵa túsedi.

Qalqaman -2 shaǵyn aýdanynda 52 jer ýchaskesi elektr kóligi nysanynyń qurylysyn júrgizýge sebebinen alynady.

Sonymen qatar, kólik jol aıryǵynyń salynýyna baılanysty Qulja tas jolynda 6 ýchaske tárkilenetin boldy.

Sondaı-aq, Almaly aýdanynda Jambyl kóshesiniń boıyndaǵy eki ýchaskede Abaı atyndaǵy memlekettik opera jáne balet teatry janyndaǵy baý-baqsha kórkeıtiledi.

Bul jumystar 2020 jyldyń 31 jeltoqsanyna deıin bastalmaq.

Almaty qalalyq Jer qatynastary basqarmasy jer ıelerin habarlandyryp, olarǵa ótemaqy tóleýge mindetteldi.

Barlyq tárkilengen ýchaskeler Almaty qalalyq Qarjy basqarmasynyń balansyna beriledi.