Almatyda 100 myńnan astam turǵyn kólik salyǵyn tólemegen

ALMATY. QazAqparat – Almaty qalasynyń 105 myń turǵyny jalpy somasy 1,5 mlrd teńgeden astam kólik salyǵyn tólemegen. Bul týraly Almaty qalasy boıynsha memlekettik kirister departamentiniń baspasóz qyzmeti málim etti, dep habarlaıdy QazAqparat tilshisi.

Vedomtsvonyń málimetinshe, Almaty qalasy boıynsha 441 221 jeke tulǵanyń menshik quqyǵynda 709 944 kólik quraly bar, olar boıynsha 2022 jylǵa 16,6 mlrd teńge salyq eseptelgen. 2021 jylmen salystyrǵanda kólikter sany 108 124 avtokólikke nemese tıisinshe 18%-ǵa, salyq bazasy 2,2 mlrd teńgege ósken. 1 sáýir kúni menshik quqyǵynda kólik quraldary bar jeke tulǵalardan 2022 jylǵa arnalǵan kólik quraldaryna salyq tóleý merzimi aıaqtalady.

«Salyq tóleý merzimi ótken soń, kólik salyǵyn tólemegen adamdarǵa mynadaı sharalar qoldanylady: merzimi ótken árbir kún úshin qaıta qarjylandyrýdyń 1,25 eselengen mólsherinde ósimpul esepteý, salyq organdary májbúrlep óndirip alý maqsatynda sot oryndaýshylaryna «salyq buıryqtaryn» jiberedi, onyń negizinde múlikke jáne bank shottaryna tyıym salynady, shetelge shyǵýdy shekteý. Sonymen qatar, qaryz somasynyń 25 paıyzyn quraıtyn sot shyǵyndary qarastyrylǵan. Joǵaryda atalǵan sharalardy boldyrmaý úshin tólem merzimi aıaqtalǵanǵa deıin jeke tulǵalardy kólik quraldaryna salynatyn salyqty tóleýge shaqyramyz», - dep eskertti vedomstvoda.

Aıta keteıik, salyq somasyn «e-Salyq Azamat» mobıldi qosymshasy kómegimen nemese Memlekettik kirister komıtetiniń ınternet-resýrsynda www.kgd.kz esepteýge bolady, tolyǵyraq 1414/3 nómiri boıynsha bilýge bolady.