Almatyda 100-den astam polıtsııa qyzmetkeri marapatqa ıe boldy
ALMATY. Qazannyń 5-i. QazAqparat /Erbol Azanbek/ - Krımınaldyq polıtsııa qyzmetkerleriniń kásibı merekesine oraı búgin Almaty qalalyq ІІD krımınaldyq polıtsııa basqarmasynyń 100-den astam qyzmetkeri kásibı marapatqa ıe boldy,
dep habarlaıdy qalalyq ІІD-niń baspasóz qyzmeti.
Qylmystyq izdestirý qyzmetkerleriniń kúnine arnalǵan saltanatty shara qalalyq ІІD-niń májilis zalynda QR Іshki ister vıtse-mınıstri Amantaı Áýbákirov pen qalalyq departament basshylyrynyń qatysýymen ótti. Saltanatty shara barysynda mınıstrdiń orynbasary men qalalyq departament basshylary qylmystyq izdestirý salasynda qyzmet etýshilerdiń jumysyn joǵary baǵalap, tabys tiledi.
«Kylmystyq izdestirý bólimi ІІM-niń eń negizgi, iri qurylymdarynyń biri.Jedel iz kesýshilerdiń qyzmeti táýekeldilikpen tyǵyz baılanysty. Atys, qylmyskerlerdiń izine túsý, qylmyskerlermen betpe-bet kelý - osynyń bárine qylmystyq izdestirý bóliminiń qyzmetkerleri saǵat saıyn, kún saıyn daıyn bolýy kerek. Bizdiń mamandarymyz jyl saıynǵy qylmystyń 70 paıyzyna jýyǵyn ashady. Sonymen qatar olar joǵalǵan azamattar men qashyp júrgen qylmyskerlerdi izdestiredi. Qylmystyń basym bóligin krımınaldyq polıtsııa ashatyny belgili. Sondyqtan bizdiń qyzmetke talap ta joǵary. Bul bizge óz isimizben maqtanýǵa múmkindik beredi. Almatynyń krımınaldyq polıtsııa bólimi ardagerlerdiń laıyqty izbasary bolyp keledi. Zaman talabyna saı qylmyspen kúres tásilderin jandandyra otyryp, jedel túrde ósip keledi», dedi Almaty qalalyq ІІD-niń krımınaldyq polıtsııa basqarmasynyń bastyǵy Amangeldi Shiderqulov.
Qazirgi tańda Almatyda krımınaldyq poltsııanyń 500-den astam jedel qyzmetkeri qylmyspen kúresedi. Olar negizinen qylmystyń aldyn-alý men ashý, uıymdasqan qylmyspen, zańsyz qarý-jaraq aınalymymen jáne esirtkimen kúres, Almatyǵa jetkiziletin esirtki joldaryn kesý sharasyn úılestiredi.
