Almatyda 100-den astam qoǵamdyq kólikte betperde rejıminiń saqtalýy tekserildi
Almatyda koronavırýs ınfektsııasynyń taralýyna jol bermeý maqsatynda ujymdyq ımmýnıtetti qalyptastyrý aıaqtalǵanǵa deıin tegin vaktsına arqyly karantın shekteýiniń saqtalýyn qamtamasyz etý boıynsha sharalar qabyldanyp jatyr.
Infekııa juqtyrýy yqtımal oryndarynyń arasynda (saýda nysandary, bazar) qoǵamdyq kólikte qatynaý 16%-dy kórsetti. Osy segmentte arnaıy monıtorıng toptarynyń jumysy kúsheıtildi.
Búgin qalanyń barlyq aýdandarynda saǵat 7.00-den bastap Almaty qalasynyń monıtorıng toptarynyń ókilderi qoǵamdyq kólik pen avtobýs aıaldamalaryn tekserdi. Tekserýshiler jolaýshylardy jáne avtobýs pen trolleıbýs júrgizýshilerin betperde taǵyp júrgenin qadaǵalaıdy, qala turǵyndaryna túsindirý jumysyn júrgizedi.
Tekserýshilerdiń aıtýynsha, Almaty aýmaǵy arqyly júretin 100-den astam avtobýsqa monıtorıng júrgizildi. Monıtorıng toptary kemshilik anyqtalǵan avtobýs marshrýttaryn atady. Olardyń ishinde: 1, 98, 32, 123, 79 11, 9, 45, 22, 135, 105, 201, 7, 126, 60, 114, 25, 5, 5B, 29, 65, 37, 205, 224, 20, 148, 38, 62, 210 baǵdarlar bar.
«Qalada koronavırýs juqtyrǵandar sany ósti. Úıde jáne qoǵamdyq kólikte juqtyrý qaýpi joǵary. Sondyqtan karantın kezinde jolaýshylar betperda rejımin saqtaýy kerek», – dep túsindirdi tekserýshiler.
Túske deıin 14 adamǵa tulǵaǵa qatysty Ákimshilik kodekstiń 425-baby 1-bóligi boıynsha ákimshilik hattama toltyryldy. Olar betperde rejımin buzǵany úshin ákimshilik jaýapkershilikke tartylady.
Almatyda COVID-19 jaǵdaıy kúrdeli kúıinde qalyp otyr. Epıdemıologtar málimeti boıynsha keshe megapolıste 1369 KVI juqtyrý jaǵdaıy tirkelgen. Betperde taǵý basqalarǵa aýrý juqtyrý qaýpinen qorǵaıdy ári ınfektsııanyń taralýyn azaıtady. Sondaı-aq eske salsaq, koronavırýs ınfektsııasymen kúresýdiń jalǵyz ádisi vaktsına alý, ol qaladaǵy 212 ekpe pýnktinde tegin júrgiziledi.
