Almatyda 10 zamanaýı polıtsııa beketi ashylady

ASTANA. QazAqparat – Almaty qalasynda salynyp jatqan turǵyn úılerdiń bazasynda 10 jańa zamanaýı polıtsııa beketi ashylady, dep habarlaıdy QazAqparat tilshisi.

Іshki mınıstrliginiń ókili Shuǵyla Turlybek vedomstvonyń onlaın brıfınginde osyndaı málimet aıtty.

«Almaty qalasy ákimdiginiń qoldaýymen turǵyn massıv pen qala aýmaǵynyń keńeıýine, halyqtyń kóbeıýine baılanysty 10 zamanaýı ýchaskelik polıtsııa beketin salý josparlanyp otyr. Bul beketter búkil halyqaralyq standart talaptaryna saı bolady», - dedi ol.

Aıtýynsha, atalmysh joba áleýmettik jaýapkershilik aıasynda iske aspaq.

«Qurylys kompanııasymen jasalǵan kelisim boıynsha salynyp jatqan turǵyn úılerden ýchaskelik polıtsııa beketine úı-jaı usynylady. Qurylys kompanııasy úı-jaıdy árleýdi, qajetti jıhazben jabdyqtaýdy moınyna alady. Aýlalar men kireberisterdegi, polıtsııa beketiniń qaraýyna jatatyn aýmaqtaǵy kameralardyń bári osy polıtsııa beketine jalǵanady. Úı-jaı polıtsııanyń paıdalanýyna ýaqytsha beriledi. Jańa polıtsııa beketterin ashý turǵyn úı keshenderindegi halyqty qajetti ýchaskelik polıtsııa qyzmetkerlerimen qamtamasyz etýge múmkindik beredi», - dedi Shuǵyla Turlybek.

Polıtsııanyń jańa ýchaskelik beketteri «Teremkı», «City Plus», «Alma city 5» jáne «City Park» turǵyn úı keshenderinen ashylmaq.