Almatyda 10 týrıst shetelden tyrysqaq juqtyryp kelgen
ALMATY. QazAqparat - Almatyda shetelden tyrysqaq juqtyryp kelgenderdiń sany 10-ǵa jetti. Bul týraly qalalyq Qoǵam densaýlyǵyn qorǵaý departamentiniń basshysy Aızat Moldaqasymova aıtty.
«Avıareıster ashylǵan sátten bastap tikeleı Almaty qalasynan Úndistanǵa Nıý - Delı men Goadan 17000-nan astam jolaýshylar ushyp keldi, sonyń ishinde 4322 adam -Úndistan azamaty. Sonyń ishinde 10 adam tyrysqaq aýrýyn juqtyryp kelgendigi belgili boldy. Olardyń 10-y Qazaqstan azamaty bolsa, 2 adam - Úndistan azamaty. Naýqas adamdardyń ishinde beseýinde asa qaýipti emes túri tirkelse, qalǵan bes adamda toksıgendi túri tirkeldi», - dedi A.Moldaqasymova Almatyda ótken jıynda.
Onyń aıtýynsha, jyl basynan beri aýyryp kelgen 5 adam da Úndistannyń Goa shtatynan kelgen.
«Qazaqstandyq týrıster qystyń sýyǵynda Úndistannyń jyly jerine qyzyǵyp, týrıstik sapar shegip jatyr. Úndistannan da keletin saıahatshylardyń sany kóp. Bul epıdemııalyq jaǵdaıdy kúrdelendirýde», - dep tolyqtyrdy departament basshysy.
Aıta ketý kerek, buǵan deıin Almatyda Úndistanǵa demalýǵa barǵan bir er adam tyrysqaq aýrýyn juqtyryp kelgendigi týraly habarlaǵan bolatynbyz.
