Almatyda 10 nysan karantın talaptaryn oryndamaǵan
ALMATY. QazAqparat - Almatyda bir kúnde karantın talaptaryn oryndamaǵan 10 nysan basshylyǵyna shara qoldanyldy, dep habarlaıdy QazAqparat tilshisi.
Arnaıy monıtorıng toby 13 qarashada 28 nysannyń jumysyn teksergen edi. Onyń ishinde 10 nysanda karantın talaptary buzylǵany anyqtaldy. Atap aıtqanda, Almaly aýdanynda S.Seıfýllın kóshesi 467B-úıdegi «Mega dóner» dámhanasy túngi saǵat 22.00-den asqanda jumys istep turǵan. Abylaı han dańǵylyndaǵy «Býrger» dámhanasy túngi 22.00-den keıin jumys istep turǵan. Seıfýllın kóshesindegi Tennisi.kz býkmeker keńsesi zańsyz jumys istegen.S.Muqanov kóshesindegi «Do Re Mi» Karaoke klýby zańsyz jumys istegen.
M.Áýezov aýdanynda «Tamyr» dámhanasy túngi saǵat 22.00-den keıin jumys istep turǵan.
Bostandyq aýdanynda «Mega Almaty» SOO-da fýdkort pen batýttar zańsyz jumys istegen. «ADK» saýda ortalyǵynda fýdkort jumysyn toqtatpaǵan.
Rozybakıev kóshesindegi taǵamdy jedel ázirleıtin «Red Dragon» túngi 22.00-den keıin jumys istegen. Solsh kósheniń boıyndaǵy Street food nysany da jumysyn toqtatpaǵan. Abaı kóshesindegi «Barakat burger» ýaqyt shekteýin saqtamaǵan.
Osy mekemelerge qatysty QR ÁqbK 425-babynyń 1-bólimimen hattama toltyryldy.
