Almatyda 10-nan astam kólik pen jattyǵý zaly órtendi
ALMATY. QazAqparat - Almatyda qoıma ǵımaratynan órt shyǵyp, 10-nan astam avtokólik jaramsyz bolyp qaldy, dep habarlaıdy QazAqparat tilshisi.
Qalalyq TJD baspasóz hatshysy Sandýǵash Baımuhambetovanyń aıtýynsha, 18 qarasha kúni saǵat 04:45-te Bostandyq aýdany Ótegen batyr kóshesindegi kópfýnktsıonaldy keshenniń órtenip jatqany týraly habarlama túsken.
Tilsiz jaý jattyǵý zalymen qosa garajdy sharpyp, onda turǵan 9 jeńil avtokólik, 2 kar men 1 avtokótergish órtenip ketken.
Órt tańǵy 05:41-de aýyzdyqtalyp, 06:40-ta tolyǵymen sóndirildi.
Qyzyl jalyn 1200 sharshy metr aýmaqty sharpydy.
