Almatyda 1 shilde kúni týǵan sábılerge dombyra syıǵa tartylady
ALMATY. QazAqparat - Almatyda ár perzenthanada birinshi týǵan sábıge dombyra syıǵa beriledi. Ulttyq dombyra kúnine oraı «Qasıetti Dombyra» aktsııasyn Qazaqstan halqy Assambleıasynyń «Qoǵamdyq kelisim» uıymy uıymdastyryp otyr, dep habarlaıdy QazAqparat tilshisi.
Aktsııa Qazaqstan Respýblıkasynyń Tuńǵysh Prezıdenti N.Á.Nazarbaevtyń 2018 jyldyń 12 maýsymyndaǵy №699 «Ulttyq Dombyra kúni týraly» Jarlyǵynyń aıasynda ótkizilip jatyr.
«Basty maqsat ósip kele jatqan urpaqqa ulttyq dástúrimizdi túsindirý men jetkizý. Ár qazaqtyń shańyraǵynda tórinde dombyra ilinip turýy tıis. Bul dástúrdi joǵaltpaýymyz kerek», - dedi uıymdastyrýshylar.
Qalanyń árbir perzenthanasynda 1 shildede birinshi týylǵan sábıge QHA beınelemesi bar dombyralar syılanady.
Uıymdastyrýshylar qaladaǵy 7 perzenthanany qamtymaq.
