Almatyda 1 myńnan astam ottegi kontsentratoryna tapsyrys berildi
ALMATY. QazAqparat – Juqpaly aýrýlar aýrýhanalaryndaǵy jatqan naýqastar sany úsh esege azaıdy. Bul týraly Baqytjan Saǵyntaev Almaty arnasyndaǵy «Akimat Live» tikeleı efırinde aıtty, dep habarlaıdy QazAqparat tilshisi.
«Eger shilde aıynda aýrýhanalarda tósek oryn jetispeýshiligi baıqalsa, qazirgi jaǵdaı múldem basqa. Bizde 6 myńnan astam oryn bar. Aýrýdyń sharyqtaý kezinde tósek oryndardyń 90%-qamtyldy. Qazir edáýir azaıdy. ıAǵnı, 30% quraıdy. Qazir aýrýhanalarda oryn jetkilikti», - dedi qala ákimi Baqytjan Saǵyntaev.
Sonymen qatar, ol aýrýhanalardy qajetti medıtsınalyq jabdyqtarmen qamtamasyz etý jalǵasyp jatqanyn aıtty.
«Qazirgi ýaqytta 5 KT, 33 rentgen jáne 500 ÓJJ apparaty satyp alyndy. Onyń 256 bıýdjettiń esebinen, qalǵany demeýshilerdiń kómegimen alyndy. Sondaı-aq, 1 050 ottegi kontsentratoryna tapsyrys berildi, búgingi kúnde onyń 500-ge jýyǵy aýrýhanalarǵa tartyldy», - dedi qala basshysy.
