Almatyda 1 mln jýyq adam vaktsınanyń eki komponentin saldyrdy
ALMATY. QazAqparat - Almaty qalasynda bir táýlikte 892 adam koronavırýsqa qarsy vaktsına saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.
«21 qarasha kúni 892 almatylyq vaktsına saldyrdy, ekpeniń І komponentin – 489, II komponentin 403 adam aldy. Vaktsına saldyrǵandar sany boıynsha Almaty qalasy aldyńǵy orynda tur. Bıylǵy jyldyń 1 aqpany men 21 qarashasy aralyǵynda qalada 1 016 889 turǵyn vaktsınanyń birinshi komponentin, 969 923 adam ekinshi komponentin saldyrǵan. Onyń ishinde 121 828 adamnyń jasy 60-tan asqan»,- dep habarlady basqarmadan.
Qalada 132 pýnkt jumys istep tur. 733 adamnan turatyn 205 egý brıgadasy bar.
«Qazir medıtsına uıymdarynda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaktsınatsııa pýnkteri jumys isteıdi», - dep naqtylady densaýlyq saqtaý basqarmasynyń baspasóz qyzmetinen.
