Almatyda 1 mıllıard dollardan astam somanyń kelisimsharttary men memorandýmdaryna qol qoıyly

ALMATY. Maýsymnyń 3-i. QazAqparat /Erlik Erjanuly/ - Búgin Almatyda ótip jatqan ІV Qazaqstandyq ınvestıtsııalyq sammıtte Úkimet basshysy Kárim Másimovtyń qatysýymen birqatar kelisimsharttar men memorandýmdarǵa qol qoıý rásimi ótti,

dep habarlaıdy QazAqparat.

«Bul kelisimsharttar men memorandýmdardyń basty ereksheligi - olar Qazaqstannyń ındýstrııaldyq-ınnovatsııalyq údemeli damý baǵdarlamasyn júzege asyrý boıynsha jasalyp otyr. Onyń jalpy quny 1 mıllıard dollardan asady. Jalpy ındýstrııaldy-ınnovatsııalyq údemeli damý baǵdarlamasynda 46 mıllıard dollardyń 200-den astam jobasy júzege asyrylmaq», deıdi «Samuryq-Qazyna» ulttyq ál-aýqat qory AQ-nyń Basqarma tóraǵasy Qaırat Kelimbetov. Onyń aıtýynsha, bul baǵdarlamany júzege asyrýdyń jańa kezeńi bolmaq. Búgin qol qoılyǵan 9 kelisimshart pen memorandýmdar ázirleýge 1 jyldaı ýaqyt jumsaldy. Jalpy Indýrııaldy-ınnovatsııalyq údemeli damý baǵdarlamasynda josparlaǵan 21 jobany ulttyq ál-aýqat qory júzege asyrady. Bul jobalardyń jalpy quny 26 mıllıard dollardy quraıdy.