Almatyda 1 mamyrda ortalyq saıabaq jabyq bolady
ALMATY. QazAqparat - Almatyda Ortalyq mádenıet jáne demalys saıabaǵy 1 mamyrda jabyq bolady, dep habarlaıdy QazAqparat tilshisi.
Saıabaq sanıtarlyq tazalyq júrgizý úshin jabylyp, zararsyzdandyrylady.
«Qurmetti Almaty qalasynyń turǵyndary men qonaqtary! 2021 jyldyń 1 mamyrynda Almaty qalasynyń Ortalyq mádenıet jáne demalys saıabaǵy sanıtarlyq-dezınfektsııalyq tazalyq úshin jabylatynyn habarlaımyz», - dep málim etti saıabaq ákimshiligi.
Aıta keteıik, megapolıste 15 sáýirden bastap jasyl jelekterdi zııankesterden bıologııalyq jáne hımııalyq ádistermen óńdeý jumystary júrgizilip jatyr.
Sondaı-aq, Almatydaǵy zırattar da 1-10 mamyr aralyǵynda jabyq bolady.
