Almatyda 1 Mamyr kúni «Maqsat birligi- rýh birligi» uranymen Qazaqstan halqynyń birligi kúnine arnalǵan merekelik sherý ótedi
ALMATY. 29 sáýir. QazAqparat /Názıra Eleýhan/ - Almatyda 1 Mamyr kúni «Astana» alańynda «Maqsat birligi- rýh birligi» uranymen QR Táýelsizdiginiń 20 jyldyǵyna jáne Qazaqstan halqynyń birligi kúnine arnalǵan merekelik sherý men Qazaqstan halqynyń festıvali ótedi.
Oǵan etnomádenı ortalyqtardyń ókilderi, shyǵarmashylyq uıymdar qatysady. Merekeni tamashalaýǵa kelgen jurt Ulttyq ashana festıvalinen dám atyp, qoldanbaly ónerdiń kórmesin tamashalaıdy.
Merekelik sharaǵa Almaty qalasynyń ákimi Ahmetjan Esimov, máslıhat depýtattary, qalanyń qurmetti azamattary, jalpy qala jurty qatysady.
Halyq sherýi saǵat 10.45-te Tóle bı jáne Baıtursynov kósheleriniń buryshynan bastalyp, «Astana» alańynda (Tóle bı men Panfılov kósh. qıylysy) aıaqtalady. Kolonnany aýdan ákimderi, qalanyń qurmetti azamattary bastaıdy, jalpy bul kúngi merekelik sherýge 500-den asa baıker, velobaıker, sportshylar, úrlemeli aspaptar orkestrleri, etnomádenı ortalyqtardyń ókilderi qatysady.
Sherý etnomádenı ortalyqtardyń shyǵarmashylyq ujymdarynyń qatysýymen ótetin kontsertke ulasady. «Ulttyq ashana» festıvaline qalanyń úzdik ulttyq meıramhanalary qatysady.
