Almatyda 1 Mamyr kúni birqatar kóshelerde kólik qozǵalysyna shekteý qoıylady

dep habarlaıdy Almaty qalasynyń Іshki ister departamentiniń Jol polıtsııasy basqarmasy.

Bul kúni merekelik sherýdiń ótýine oraı, tańǵy 07.00-den Tóle bı kóshesiniń boıy, Baıtursynov kóshesinen - Fýrmanov kóshesine deıingi aralyqta merekelik sharalar bitkenge deıin kólik qozǵalysy toqtatylady.

Osyǵan baılanysty polıtsııa qyzmetkerleri qala kósheleriniń jol qozǵalysynda qıyndyqtar týdyrmas úshin júrgizýshilerdi kólik qozǵalysyn shekteýge shaqyryp otyr.

Shereýge jeti aýdan boıynsha, jalpy sany 21 myń adam qatysady dep kútilýde. Merekelik sharaǵa qatysýshylardy arnaıy avtobýs jetkizetin bolady. Avtobýstarǵa arnalǵan turaq Qazybek bı jáne Bógenbaı batyr kóshelerinde qarastyrylǵan. Sherýge deıin Tóle bı kóshesine kóldeneń jatqan Seıfýllın, Naýryzbaı batyr, Jeltoqsan, Abylaı han, Panfılov kóshelerine jol qatynasy shektelmeıtin bolady.