Almatyda 1 qyrkúıek kúni polıtseıler baqylaýdy kúsheıtedi
ALMATY. QazAqparat Almatyda bilim kúni qarsańynda polıtseılermen shuǵyl shara ótkizilip, mektep oqýshylarynyń qaýipsizdigin baqylaý kúsheıtiledi, dep habarlaıdy QazAqparat tilshisi.
«1 qyrkúıek kúni «Vnımanıe detı!», «Vnımanıe shkola!» shuǵyl sharasy ótedi. Barlyq mektep pen mektepke deıingi mekemeler janynda polıtsııa qyzmeti sap túzeıdi. Balalardyń qaýipsizdigin baqylaýdy kúsheıtip, jol belgileri men jaıaý júrginshi tańbalaryn jańartamyz»,-dedi Almaty ІІD ákimshilik polıtsııa basqarmasy bastyǵy Jandos Muratalıev.
Sondaı-aq, ol Abaı men Nazarbaev dańǵylyndaǵy jol jóndeý jumystary 15 qyrkúıekke deıin aıaqtalatynyn aıtty.
ІІD-de ótken brıfıngte jańa oqý jylynyń bastalýyna baılanysty júrgizýshilerge jol erejesin saqtaýdy eskertti.
